WAAFUASI WA CUF WASITISHA MKUTANO NA WANA HABARI

Hofu imetanda kwa wafuasi wa chama cha wananchi CUF baada ya taarifa zinazodai mwenyekiti wao anajiuzulu nafasi ya uenyekiti.

Ni sauti pekee iliyokuwa ikisikika kwa saa takribani saa 4, huku wengi wakiwa na shauku ya kujua nini mwenyekiti wa chama hicho alitaka kuzungumza na waandishi wa habari makao makuu ya chama hicho Buguruni Dar es Salaam.

 

Baada ya kusubiri kwa muda wa kutosha makao makuu hapo, hatimaye Bi Magdarena Sakaya ambaye ni naibu katibu mkuu wa CUF bara akatangaza kuahirisha mkutano huo.

 

Aidha ITV ilifanikiwa kuzungumza na badhi ya wanachama hao waliokuwa wamejawa na jaziba amapo pamoja na masuala mengine alikuwa na haya ya kuzungumza

Hata hivyo wakati alipokuwa akihutubia mkutano mkuu wa chadema katibu mkuu wa CUF Malim Seif Hamadi alisema kuwa hana taarifa zozote za kutaka kujiuzulu mwenyekiti wa chama hicho Prof Ibrahimu Lipumba.

 

Kwa siku kadhaa kumekuwa na habari ambazo hata hivyo hazijathibitishwa zikidai kuwa huenda mwenyekiti huyo akajiuzulu muda wowote kaunzia sasa kutokana na madai ya kutokuelewana na baadhi ya wakurugenzi wa chama huku taarifa nyingine ambazo pia si rasmi zikisema kuwa ni kutokana na maamuzi ambayo si shirikishi ya kumapta mgombea wa urais wa Ukawa.