AZAM FC WAMESHIDWA KUTAMBA MBELE YA ESPERANCE YA TUNISIA, KOMBE LA SHIRIKISHO BARANI AFRIKA.

April 19 2016 wawakilishi wa Tanzania katika michuano ya Kombe la Shirikisho barani Africa (CAF) klabu ya Azam FC ilishuka mjini Rades Tunisia kucheza mchezo wake wa marudiano wa klabu Bingwa barani Afrika dhidi ya klabu ya  Esperance ya Tunisia.

Azam FC ambao mchezo wa awali uliochezwa Chamazi Dar es Salaam waliibuka na ushindi wa goli 2-1, wamekubali kipigo cha goli 3-0 katika mchezo huo wa marudiano. Kabla ya mchezo huo Azam FC walikuwa wakihitajia ushindi au sare yoyote ya magoli ili waweze kusonga mbele.

Baada ya kuondolewa katika michuano hiyo klabu ya Azam FC, Tanzania inabakia na muwakilishi mmoja pekee katika michuano ya kimataifa, ambaye ni klabu ya Dar esa Salaam Young Africans ambayo April 20 itacheza mchezo wake wa marudiano na wenyeji wake Al Ahly.