Nchini Uturuki, kwa mujibu wa matokeo kuhusu kura zote zilizohesabiwa,
chama cha kihafidhina cha kiislamu cha AKP cha rais Erdogan kimeshinda
uchaguzi wa wabunge lakini kimepoteza wingi wa viti bungeni ambapo,
chama kinachounga mkono Wakurdi cha HDP kimepata asilimia13 ya kura.
Kwa matokeo haya chama cha HDP kimeingia bungeni. Viongozi wa chama
hicho waliendesha mkutano na waandishi wa habari, baada ya kutangazwa
matokeo ya uchaguzi. Viongozi hawa waliwashukura watu waliojitolea na
wale waliowasaidia katika kampeni zao za uchaguzi, huku wakilani
mashambulizi kadhaa yaliyotokea majuma kadhaa yaliyopita.
Hakuna maoni:
Chapisha Maoni